Edificio proxectado en 1863 por Manuel de Uceda. O seu estilo é ecléctico clasicista con reminiscencias do Renacemento italiano. Ten tres plantas e é simétrico respecto a un eixe central, que é o máis decorado. Posúe un forte almofadado que forma un ángulo de 45º na planta baixa e balcóns pequenos. Nos pisos superiores destacan unhas pilastras xónicas estriadas que serven de apoio a un entaboamento e cornixas con denticulados, ovas e arcos.