O CGAC é un impresionante edificio obra do arquitecto portugués Álvaro Siza que, xunto co mosteiro de San Domingos de Bonaval e o parque homónimo, constitúe un conxunto harmónico onde se conxuga a tradición e a modernidade da cidade. Desde as terrazas desta singular construción, obtense unha das mellores vistas da zona antiga compostelá. No seu interior pódense contemplar exposicións temporais dos artistas máis significativos das últimas décadas.