En 1941, o arquitecto Joaquín Vaquero Palacios constrúe o novo Mercado de Abastos en estilo ecléctico. Do mercado de 1873 aprovéitase o enlousado de granito e o murallón que mira cara á rúa Virxe da Cerca. En planta componse de dous cadrados divididos en oito naves que se abren a unha praza central cunha fonte. Está realizado en cadeirado de granito e as cubertas son de bóvedas de canón con tella ao exterior. A ambos lados, sobre os postos, ábrense grandes ventás de medio punto, dando gran luminosidade aos espazos interiores. A entrada a cada unha das naves lembra as fachadas das capelas románicas.