Doado pola Dirección Xeral de Belas Artes. Cruceiro de tipo “de crucifixo”, sen base e cun pedestal cúbico achafranado. O fuste empeza cuadrangular para pasar a ser octogonal, diminuíndo a súa sección ata o capitel. Pola metade presenta unha figura de Santiago Apóstolo. O orixinal capitel con formas oblongas no que resaltan 4 cruces de Santiago, unha en cada cara. A peza está coroada polas imaxes da virxe e cristo crucificado. Indica a ruta fluvial do Camiño de Santiago.