Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
A MIÑA VIAXE
mailto:?subject=Envio de contido de Turismo de Galicia: Festa do Choco&body=Recoméndoche que leas a información Festa do Choco extraída do portal de Turismo de Galicia na páxina https://www.turismo.gal/axenda-cultural/evento?langId=gl_ES%26nid=48903
Da Enseada de San Simón procede o choco que todos os anos, na primeira quincena de maio, cobra protagonismo na vila de Redondela. A festa de exaltación deste cefalópodo da ría de Vigo comezou a celebrarse nos anos 80 e nas súas últimas edicións logrou reunir a máis de 30.000 persoas que consumiron 5.000 quilos.
A festa, que coincide na época na que hai máis presenza deste produto, ten como eixo central unha gran carpa situada na Alameda. Aí pódese degustar o choco preparado polos restaurantes da vila en diversas formas, desde as máis tradicionais ata as máis vangardistas.
O concurso gastronómico, no que todo o mundo pode participar é, por excelencia, a estrela principal da festa redondelá. Os premios son en catro modalidades: á mellor receita creativa, chocos na súa tinta, chocos con arroz e empanada de chocos.
Con motivo desta popular festa, o municipio redondelán ofrece aos visitantes un amplo programa de actividades festivo-culturais onde teñen cabida as bandas de música, deportes e xogos infantís, entre outras.
É tan innegable a importancia do choco para Redondela, que popularmente aos veciños e veciñas da vila se lles coñece como “choqueiros” ou “choqueiras”.
Destacado:
O concurso gastronómico.mente aos veciños e veciñas da vila se lles coñece como “choqueiros” ou “choqueiras”.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración