Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
A MIÑA VIAXE
mailto:?subject=Envio de contido de Turismo de Galicia: Festa gastronómica do Galo de Curral&body=Recoméndoche que leas a información Festa gastronómica do Galo de Curral extraída do portal de Turismo de Galicia na páxina https://www.turismo.gal/axenda-cultural/evento?langId=gl_ES%26nid=48392
Vila de Cruces coñece os segredos do galo de curral, e desde o ano 93 compárteos a través dunha cita gastronómica que inclúe, ademais da degustación popular deste produto, un programa de actividades nos que a música e a cultura son protagonistas. A festa naceu da man do colectivo de criadores de galo Agro, co fin de promocionar un prato elaborado cun produto criado de xeito natural por máis dunha vintena de produtores.
O segredo deste galo de curral radica na súa alimentación, xa que se cría ao ar libre con cereais, como millo, trigo e cebada, sen ningún tipo de aditivos. Ademais, a ave sacrifícase aos nove meses, cando habitualmente faise aos sete. O resultado é unha carne cun sabor máis intenso, máis bravo, de textura firme e con moi pouca graxa debido á alimentación e ao exercicio físico que lle obriga a vida no campo. O peso do galo de curral supera os catro quilos, unha vez limpo.
A súa carne é moi apreciada entre os cociñeiros e gourmets polo seu excelente sabor. E as súas calidades culinarias permitiron á festa formar parte da Rede Europea de Patrimonio Gastronómico que promove os produtos locais e a cociña tradicional.
Altos niveis de calidade e excepcional sabor son características do galo de curral, que é identificado por un anel numerado colocado na pata. A exhibición e venda dos mellores exemplares de galo de curral realízase na carpa da Praza de Abastos, aínda que a xornada festiva se complementa con diversas actuacións musicais.
Destacado: Os mellores exemplares na Praza de Abastos
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración