Edificio proxectado en 1876 por Alejandro Rodríguez Sesmero. O máis destacable é a balaustrada de círculos entrelazados con vasos sobre pedestais, que coroa as dúas fachadas. O edificio ten tres plantas con almofadado corrido na baixa e as dúas superiores divididas en tres corpos mediante pilastras con capiteis xónicos moi labrados. Na segunda e terceira planta o van central está flanqueado por dous escudos, un invertido respecto ao outro, e que poderían pertencer aos antepasados de José Donesteve Quirós, nacido en Vigo en 1803 e de profesión Brigadier da Armada. A obra foi feita polo contratista José González Bernárdez.