29 abr 2024
A Xunta avanza no Plan Territorial de Sustentabilidade Turística en cascos históricos e vilas termais cun investimento de 2M€ para Tui
O Consello da Xunta autorizou a subscrición dun convenio de colaboración co Concello de Tui para a posta en marcha do Plan de Sustentabilidade Turística neste concello cun investimento de 2M€ que se desenvolverá desde este ano ata o 2026. É a cuarta estratexia de sustentabilidade en destino autorizada en Consello da Xunta dentro do Plan Territorial Cascos Históricos e Vilas termais deseñado polo Goberno autonómico con fondos europeos Next Generation que botou a andar este ano.
O novo plan para Tui inclúe, entre outras accións, a recuperación de murallas en diferentes puntos de interese, mellora de diferentes prazas do casco histórico, rehabilitación da contorna fluvial vinculada ás murallas ou unha iluminación eficiente, entre outras. Tamén se prevé o soterramento do cableado aéreo, a rehabilitación enerxética de edificacións ou locais, dixitalización de recursos patrimoniais, a creación dunha plataforma dixital de comercio local ou mellora da web de turismo.
Oito estratexias
Ademais deste convenio con Tui e dos autorizados con Vigo para a Vila de Bouzas, con Allariz e a Deputación de Ourense, tamén se inclúen os que se irán autorizando próximamente como o centro histórico de Ferrol e Patrimonio militar da Costa Ártabra; o plan Mar de Santiago; e os do centro histórico de Betanzos, e Ribeira Sacra. O Plan territorial inclúe, ademais, a posta en marcha de medidas destinadas ao sector e o concellos, a través de liñas de axudas que se irán deseñando ao longo deste ano.
O Plan Territorial de Sustentabilidade Turística Vilas Termais e Cascos Históricos deseñado por Turismo de Galicia con fondos europeos Next Generation onde se insire este convenio ten unha vixencia ata 2026. Ademais do convenio co Concello de Tui e o autorizado hai unhas semanas coa Deputación de Ourense, o Concello de Allariz e o de Vigo para a Vila de Bouzas tamén se inclúen os que se irán autorizando próximamente.
Trátase do do centro histórico de Ferrol e Patrimonio militar da Costa Ártabra; o plan Mar de Santiago; e os do centro histórico de Betanzos, e Ribeira Sacra. O Plan territorial inclúe, ademais, a posta en marcha de medidas destinadas ao sector e o concellos, a través de liñas de axudas que se irán deseñando ao longo deste ano.
O Plan de Vilas Termais e Cascos Históricos é o terceiro que a Xunta de Galicia pon en marcha cos fondos do Plan de Recuperación, Transformación e Resiliencia para aproveitar o financiamento europeo, tras o Plan Territorial de Sustentabilidade Turística do Litoral (2022-2024) e o de Enogastronomía (2023-2025).
