|
Cargando ...
|
|
|
|
|
| Descrición |
Conxunto histórico de cascos urbanos declarados como tal.
Baiona é sinónimo de bo porto, o primeiro en moitos momentos da historia, e lección en terra firme de que o mar sempre foi ao longo do tempo o camiño dos descubrimentos. O exemplo de luxo de Baiona é a Festa da Arribada, o primeiro de marzo, conmemorativa da chegada da carabela Pinta a este porto coa primeira noticia da xesta colombina.
Da importancia estratéxica desta praza dá fe a listaxe dos seus asaltos e asedios, dende os normandos, Almanzor, os turcos, Drake... Proporcionalmente en contra de tanta cobiza ergueuse unha poderosa fortaleza para defendela.
O Castelo de Monte Real, alzado sobre o Monte do Boi, conserva un pouco menos de tres quilómetros de murallas co camiño de ronda. A amplitude do recinto permite a existencia de xardíns arborados. O edificio central, que pertencía á antiga residencia do gobernador, é na actualidade Parador de Turismo. Da edificación orixinal tamén se manteñen tres torreóns: á entrada, a Torre do Reloxo; cara á baía, a Torre da Tenaza, e cara ao mar, a do Príncipe con forma de Torre da Homenaxe.
No casco vello ademais da súa beleza sustentada en boas mostras de caseróns señoriais, cómpre mencionarmos a Colexiata de Santa María, que gardaba nos muros unha colección de cruceiros. Pero sen dúbida é á entrada da vila onde se sitúa un dos cruceiros máis reseñables: o Cruceiro da Trinidade. Presenta trazas de estilo oxival e está abrigado por un baldaquino de pedra.
|
|
|
|
|
| principais monumentos |
|
Colexiata de Santa María
Estilo: Románico oxival
Datación: s. XIII
|
|
Cruceiro da Trinidade
Estilo: Oxival
Datación: s. XV
|
|
Fortaleza de Monterreal
Datación: s. XI, XVI
|
|
