Interese xeral
Sendeiro que nos levará desde o val á montaña, ofrecendo amplas e pintorescas vistas coma as de Catadoira e Camiño Ferrón.

Aínda se conservan camiños enlousados en pedra onde as pegadas e marcas do tránsito dos carros fálannos da súa antigüidade. O tramo de entrada e saída en Vilar de Mato da testemuño de como eran as vías de comunicación nun pasado relativamente recente.

A auga é outro elemento presente ao longo do camiño. O río Gallo coas súas pozas e fervenzas é unha agradable sorpresa que se aparece nas curvas do camiño. O río Umia amósanos a súa forza e bravura no tramo do Pontón a Ponte Sampaio.

Pintorescas aldeas como Cequeril, O Pazo, Fontecoba, Rogadío,... brindan ao paso do camiñante un mosaico contrastado de cores.

Un Plus...
	O topónimo Caldelas xunto co de Caldas son os máis usuais en Galicia para designar os lugares que posúen fontes termais. A Comunidade Galega é un dos territorios europeos con maior concentración de fontes e balnearios; máis de 100 mananciais con augas de gran valor terapéutico. Unha terra con abundantes recursos termais e unha ampla oferta en hoteis dunha a cinco estrelas que invitan ao descanso.

M.I.D.E.
	Medio
	Itinerario
	Desprazamento
	Esforzo

Cartografía I.G.N. (1:25.000)
	Nº 152-II Caldas de Reis e 153-I Codeseda

Máis información
	OMIX Cuntis. Praza da Constitución, 4. 36670 Cuntis. Tel.: 986 533 600 / Fax: 986 533 995 e-mail: omixcuntis@teleline.es www.concellodecuntis.com Club Peña Trevinca Montañeiros de Galicia Rúa Brasil, 46. 36204 Vigo. Tel.: 986 420 551 / Fax: 986 420 557 e-mail: info@trevinca.net www.trevinca.net