Costa de Dexo Monumento natural

Fotografías

Situación Concello de Oleiros, preto da cidade da Coruña. Extensión 266 ha. Accesos Dende A Coruña por Perillo, Porto de Santa Cruz e Mera, con desvíos dende este último punto.

Descrición

Dos cantís que separan a ría da Coruña da de Betanzos o máis coñecido é a punta do Seixo Branco, veta de cuarzo a flor de pedra, brillante e visible dende a cidade da Coruña co sol e os temporais que baten nel. In situ ten as mellores panorámicas; por exemplo, dende o faro de Mera, no concello de Oleiros, do seu veciño o illote da Marola. A costa é unha liña quebrada en saíntes e entrantes como unha serra fina, e algunha praia como a de Canabal. A copla mariñeira afirma que "quen pasou A Marola, pasou a mar toda". Poida que pareza esaxerado, emporiso o dito responde ás fortes correntes dun punto aberto ó mar onde conflúen tódolos elementos adversos de climatoloxía e terreo na rota marítima Ferrol-A Coruña, antano moi transitada por dornas e vapores de viaxeiros. Na actualidade existe servicio regular de transporte para cruza-la Marola en temporada turística. FAUNA: Especies nidificantes como o corvo mariño cristado (Phalacrocorax aristotelis) ou a choia piquivermella (Pyrrhocorax pyrrhocorax). Lontra (Lutra lutra) e morcegos (Rinolophus ferrumequinum). M.A.N.: Centro de Recuperación da Fauna Silvestre, Santa Cruz. Oleiros. Tel.: 981 626 241 Centro de extensión universitaria e divulgación ambiental de Galicia. Castelo de Santa Cruz, s/n. Liáns (Oleiros). Tel.: 981 630 688 / 981 630 618 SERVICIOS: Aloxamento e comida nas cercanías e algúns servicios nas praias durante o verán.