Trátase dunha oferta especial destinada a familias numerosas que queiran disfrutar dunha fin de semana diferente en contacto coa natureza, que inclúe o aloxamento en apartamentos e a pensión completa, xunto a un variado programa de actividades.

Esta iniciativa xorde da colaboración entre a Estación de Manzaneda, a Consellería de Cultura e Turismo e a Consellería de Traballo e Benestar. Ambos departamentos da Xunta, actuando a través da Secretaría Xeral para o Turismo-Turgalicia e a Secretaría Xeral de Familia e Benestar, buscan incentivar o desenvolvemento do turismo de montaña, ao tempo que fomentan o turismo familiar e a calidade de vida das familias numerosas galegas.