9 Oct
Festa de Exaltación do Marisco O Grove (Pontevedra)
O segundo domingo de outubro, durante a ponte do Pilar. Vila situada entre a ría de Arousa e a de Pontevedra, despois da inmensa praia e do santuario da Lanzada, este último do Concello de Sanxenxo, á que acoden as mulleres infecundas para tomaren o baño das “nove ondas”. Península de San Vicente que mira a illa de Sálvora, tal como sinala a tradicional canción: “¡Ai Sálvora, Ai San Vicente…as nenas bonitas hainas en …!”. Pero tamén obrigado punto de pasaxe para achegarnos á illa- balneario da Toxa, referencia imprescindible na historia do turismo de Galicia.
Nesta festa a degustación dun amplo mostrario de marisco é esencial, compañeiro imprescindible dos viños ”Rías Baixas” e proba inequívoca das excelencias gastronómicas da zona.
View Larger Map
19 Jun
Complexo Ons-O Grove
Situación
Entre a ría de Pontevedra e o sur da ría da Arousa. Concellos de Bueu, Sanxenxo, O Grove, Meaño, Ribadumia, Cambados e A Illa de Arousa.
Superficie
LIC: 7.506,75 ha (das cales 5.517 ha son augas mariñas).
Acceso
Autovía do Salnés (AG-41) e estradas desde Sanxenxo (PO-308) e Vilagarcía de Arousa (PO-549) ata O Grove, esta última con desvío á ponte da Illa de Arousa.
Servizos
Aloxamento: Si. Comer: Si.
Máis información
Oficina do Parque Nacional das Illas Atlánticas (tel. 986 246 550).
Punto de Información Illa de Ons (tel. 986 687 696).
Equipamentos
Centro de Interpretación da Natureza do monte Siradella, O Grove (tel. 986 680 284). Observatorios de aves (illa de Ons e O Grove).
Outros espazos naturais relacionados / próximos:
Parque Nacional marítimo-terrestre das Illas Atlánticas
Parque Natural Complexo dunar de Corrubedo e lagoas de Carregal e Vixán
8 May
Louxo La Toja
Numero de cuartos: 116
A súa piscina interior, acoutada por unha cristaleira que o inunda todo de luz natural, deixa asomar o coidado céspede dos xardíns do hotel, tras os que se estenden as marabillosas vistas da ría de Arousa. Cando o tempo acompaña, un dos seus restaurantes permite comer ao aire libre para gozar da paisaxe e, se chove, nada daquela como concentrarse nas es- pecialidades galegas do seu outro restaurante, ou achegarse ao Grove a coñecer algún dos moitos e bos restaurantes que fixeron que esta localidade sexa coñecida como a capital do marisco. Outros alicientes da estadía: os paseos pola ría, o golf e a infinidade de deportes náuticos que practicar na zona, ou unha escapada a Santiago, Pontevedra, Baiona ou A Garda.
Continuar leyendo »
