22
Jul

Sendas para descubrir un país

Senderismo Galicia

Senderismo Galicia

Desde hai séculos, os camiñantes veñen conformando a Historia desta xeografía humanizada no occidente europeo. O Camiño de Santiago abriu unha porta ao coñecemento mutuo entre este verde territorio e o resto do mundo, un Camiño que chegou aos nosos días como o Primeiro Itinerario Europeo e un fermoso Patrimonio da Humanidade.

Pero Galicia ten moito máis que ofrecer e a súa particular orografía invita a descubrir toda a súa dimensión natural e histórica desde a visión tranquila e sosegada do camiñante.

O sendeirismo recupera antigos camiños cargados de vivencias, onde os visitantes descobren as pegadas dun tempo, non tan afastado, no que as calzadas e pontes medievais, os cruceiros e os petos de ánimas definían o carácter das súas xentes.

Cando o sendeirista avanza polos camiños empedrados ao bordo de calquera dos incontables ríos galegos, imaxina as xentes nos seus carros de tiro entre estreitos muros de pedra, levando gando, viño e outros produtos dunha aldea a outra, os arrieiros comprando e vendendo, os feirantes, os peregrinos de antano e toda aquela poboación rural que utilizaba os camiños locais para moverse dunha aldea a outra.

Hoxe o bulicio das xentes quedou enmudecido e os camiños recuperan o son salvaxe da natureza. O sendeirista, sen temor a perderse, entra nunha dimensión lenta e pracenteira dun turismo de deporte e cultura. As paisaxes cambiantes, os incertos petróglifos, as marabillosas rías, os impoñentes mosteiros, os magníficos pazos, castelos, pontes de pedra e, sobre todo, a natureza verde e variada de Galicia nunca deixan indiferentes a propios e estraños.

Neste recuncho de vales e montañas, descubrirás “unha pequena terra tan grande como queiras: Galicia”.

 

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Please type the characters of this captcha image in the input box

Please type the characters of this captcha image in the input box

Linguaxe

Búsqueda

Suscripción RSS

Suscribete vía RSS y recibe un correo con todos los posts del día.

© 2011 turgalicia | todos los derechos reservados