Nesta misión, organizada polo Instituto de Turismo de España, Turespaña, Turgalicia participará en tres xuntanzas de traballo cos operadores turísticos sudamericanos que se celebrarán en Sao Paulo, Bos Aires e Santiago de Chile.

A xira promocional comezou en Sao Paulo o día e rematará en Santiago de Chile.

Programa
O programa iniciouse cun almorzo con xornalistas especializados en Turismo e viaxes en Sao Paulo, ao que lle seguirá a xuntanza de traballo cos principais operadores turísticos brasileiros no Consulado Xeral de España.

Mañá, día 16 de maio celebrarase a xuntanza de traballo cos operadores turísticos arxentinos, no Pazo de San Miguel de Bos Aires. Nesta xuntanza tamén participarán xornalistas arxentinos especializados en Turismo.

Xa, o día 17 de maio, terá lugar o último encontro con operadores turísticos sudamericanos, nunha xuntanza que se desenvolverá no Club de Golf da capital chilena.

Mercados emerxentes
Con esta xira promocional, Turismo de Galicia mantén a súa aposta este ano pola difusión da oferta turística galega nos mercados emerxentes máis interesantes do panorama internacional. Así, Galicia participou ao longo do mes de marzo na feira Moscow International Travel & Tourism, o certame turístico máis importante dos que se celebran en Rusia.

Tamén para o mercado ruso, no mes de xuño, Turgalicia participará nunha misión turística organizada por Turespaña para promocionar o Turismo galego entre os operadores turísticos das cidades rusas máis importantes.

Neste ámbito, a Xunta de Galicia, a través de Turgalicia, tamén participou a finais do pasado mes de febreiro na feira Guangzhou International Travel Fair (GITF), que constitúe o mercado turístico máis importante do sur de China

Festa do Carneiro ao Espeto Moraña (Pontevedra)

Vellas cancións refírense a Moraña como terra de canteiros e de arrieiros que andaban o camiño da montaña ao mar. Espazos polos que aínda corren en liberdade os cabalos salvaxes que terán a súa rapa das bestas. Riqueza natural aproveitada polos seres humanos desde a prehistoria, segundo se pode comprobar nos restos encontrados e con gran riqueza agrícola e gandeira.

Municipio no que, cada oito de setembro, se venera a Virxe aparecida nunha fonte, en Amil. Esa historia de vila nacida do camiño fai que o último domingo de xullo celebre unha das súas mellores tradicións culinarias, agrarias, rurais, tamén melloradas co traído e levado a eses asentamentos de Hispanoamérica, tan leais a estas tradicións do churrasco e da grella: a Festa do Carneiro ao Espeto segue, amplía e mellora unhas tradicións solidarias que veñen de moi atrás e pasan polo medievo na forma de preparalo. Esencial ao banquete solidario é o viño Salnés, o bo “espadeiro” das ribeiras do Umia, cantado por poetas e que tempera a conversa e o manxar.

View Larger Map

Nesta ocasión, Turgalicia presentou un stand de deseño cunha superficie de 200 metros cadrados no que se difundiu toda a oferta turística de Galicia e o Camiño de Santiago, facendo especial fincapé no mapa Xeodestinos e a marca do Turismo galego, Galicia, gárdasme o segredo? cos seus produtos cabeceira: Camiño de Santiago, Faros e praias salvaxes, Turismo mariñeiro, Paseando entre viñedos, A Ruta da Camelia, Santuarios máxicos, Patrimonio oculto, Mananciais de Galicia, Bosques de Galicia e Lugares únicos.

A feira Expovacaciones é un dos certames turísticos más importantes de España que este ano celebra a súa 33 edición. Este evento rexistra ano tras ano unha notable afluencia de público, que destaca polo seu interese polas novas iniciativas e propostas turísticas.

Turistas vascos
Os vascos supoñen un dos mercados emisores máis importantes para o Turismo galego. Así o ano pasado a Comunidade galega rexistrou 114.630 visitantes do País Vasco que realizaron 298.739 pernoitas en establecementos hoteleiros galegos.

O País Vasco é o sexto mercado nacional máis importante para Galicia logo de Madrid, Cataluña, Castela e León, Andalucía e Asturias.

Canto ao tráfico aéreo, o ano pasado 20.097 vascos se achegaron a Galicia en avión, o que supuxo o 2,7 por cento do total nacional.

Monte Pindo

Situación
Concellos de Cee, Dumbría, Mazaricos e Carnota, na Coruña.

A inciativa constitúe a primeira acción do Plan de Turismo Enogastronómico da Xunta de Galicia, que foi aprobado o 3 de maio polo Consello da Xunta. En Ourense, coas D.O. Monterrei, Ribeiro, Ribeira Sacra e Valdeorras, participan na xornada 45 adegas e 17 restaurantes. Ademais, de degustacións e visitas, as xornadas inclúen actividades complementarias.

A secretaria xeral para o Turismo presentou hoxe en Ourense a Xornada de Portas Abertas das Rutas dos Viños de Galicia. Esta iniciativa, enmarcada no Plan de Turismo Enogastronómico de Galicia aprobado o día 3 de maio polo Consello da Xunta, ten por obxectivo pór en valor o enoturismo galego como unha nova aposta de calidade na diversificación das actividades turísticas. A estratexia englóbase na creación de produtos turísticos que van a reforzar e dotar de contido a marca turística de Galicia.

Segundo explicou a secretaria xeral, a Xornada de portas abertas das Rutas dos Viños de Galicia consiste nun programa no que “por primeira vez se organiza unha xornada de actividades de enoturismo de maneira simultánea e conxunta nos nosos cinco grandes territorios vitivinícolas”. Entre os obxectivos desta iniciativa figura tamén o de comezar a divulgar o enoturismo e o novo produto cabeceira de marca Paseando entre viñedos entre os galegos porque o turismo interno é moi importante en Galicia.

Un total de 72 adegas das cinco Denominacións de Orixe galegas ofrecerán unha visita guiada polas súas instalacións e a degustación dos seus viños con carácter gratuíto durante toda a xornada. Ademais, 31 restaurantes adheridos a esta promoción especial ofrecerán 62 menús enogastronómicos diferentes e maridados con viños galegos da D.O.P. na que se atope o restaurante. O prezo final destes menús é de 25 euros todo engadido e poderase escoller o menú que máis agrade. Para os menores de 12 anos haberá menús infantís a 10 euros.

En Ourense acolléronse a esta iniciativa 45 adegas das catro denominacións da provincia e un total de 17 establecementos de restauración.

Ademais  deste programa común para as cinco Rutas dos Viños de Galicia, hai moitas propostas adicionais como visitas guiadas e gratuítas polo casco histórico de Monforte de Lemos ou a Ruta dos Pazos e Xardíns do concello de Vedra; visitas á vila medieval de Ribadavia, ao patrimonio románico da Ribeira Sacra ou do Ribeiro, ao castro de Santa Tegra ou aos viñedos de Amandi en tren turístico. Tamén haberá entradas gratuítas ao Museo do Viño de Cambados, ao centro do viño da Ribeira Sacra e ao Museo enolóxico de Ribadavia así como unha cata xenérica e gratuíta sobre os viños do Ribeiro ou ofertas de especiais de aloxamento e paquetes enoturísticos con empresas especializadas de Valdeorras e O Ribeiro.

Plan de Turismo Enogastronómico de Galicia

A secretaria xeral para ao Turismo falou tamén durante a presentación da xornada na Cidade das Burgas do Plan de Turismo Enogastronómico de Galicia. Carmen Pardo quixo resaltar que en Galicia existen un total de 5.298 establecementos de restauración neste ano 2012, 1.574 cafeterías e 21.218 bares. En Galicia existen 841 industrias agroalimentarias e hai 10 restaurantes con Estrella Michelín e 18 distinguidos con Soles Repsol. Contabilízanse na comunidade máis de 300 festas gastronómicas que impulsan o sector turístico e promocionan os produtos con indicación de calidade. A gastronomía é, despois da natureza, a segunda motivación dos turistas para elexir Galicia como destino.

Carmen Pardo quixo resaltar que as cifras de afiliacións á Seguridade Social no sector da restauración medraron das 57.621 rexistradas en 2009 ou as 59.001 rexistradas en 2010 ata as 59.461 rexistradas o ano pasado. Do mesmo xeito, se temos en conta os datos de emprego, extraídos da Enquisa de Poboación Activa de poboación ocupada no Servizo de Comidas e Bebidas, rexístrase unha suba dos 57.425 rexistrados en 2010 aos 58.362 rexistrados o ano pasado.

Pódese consultar toda a información da xornada en www.turgalicia.es Teléfono : +34 902 200 432 | +34 981 542 500 Fax : +34 981 542 659 – e-mail: cir.turgalicia@xunta.es.

Louxo La Toja

Numero de cuartos: 116

A súa piscina interior, acoutada por unha cristaleira que o inunda todo de luz natural, deixa asomar o coidado céspede dos xardíns do hotel, tras os que se estenden as marabillosas vistas da ría de Arousa. Cando o tempo acompaña, un dos seus restaurantes permite comer ao aire libre para gozar da paisaxe e, se chove, nada daquela como concentrarse nas es- pecialidades galegas do seu outro restaurante, ou achegarse ao Grove a coñecer algún dos moitos e bos restaurantes que fixeron que esta localidade sexa coñecida como a capital do marisco. Outros alicientes da estadía: os paseos pola ría, o golf e a infinidade de deportes náuticos que practicar na zona, ou unha escapada a Santiago, Pontevedra, Baiona ou A Garda.

Esta viaxe de familiarización parte da colaboración entre Turgalicia e a Asociación de Hostalería de Santiago e Comarca.

A Xunta de Galicia, a través de Turgalicia, da Secretaría Xeral para o Turismo, colaborará coa promoción turística de Santiago de Compostela e a súa contorna a través da organización dunha viaxe de familiarización na que participarán representantes de 24 operadores e axencias de viaxe de toda España.

Esta acción de difusión da oferta turística da cidade de Santiago e a súa comarca, froito da colaboración entre Turgalicia e a Asociación de Hostalería de Santiago e Comarca, desenvolveuse esta fin de semana en Santiago.

Deste xeito, Turgalicia colabora coa organización da viaxe, os traslados dos participantes, a manutención e as visitas aos distintos puntos de interese turístico, mentres que os membros da devandita asociación ofreceronlle aos visitantes aloxamento e almorzo.

Reunión de traballo

A estadía dos axentes de viaxe nas Terras de Compostela comezou o día 4 de maio, cunha cea de benvida nun restaurante santiagués.

Onte os representantes dos 24 operadores turísticos e axencias de viaxe participaron nunha xuntanza de traballo (workshop) con representantes da asociación de hostaleiros de Santiago e Turgalicia, onde puideron coñecer de primeira man as posibilidades turísticas da capital galega.

Os operadores participaron tamén nunha visita guiada pola cidade de Santiago e a xornada concluíu cunha cea de traballo na que contaron coa presenza da secretaria xeral para o Turismo da Xunta de Galicia, Carmen Pardo. Hoxe, os representantes dos operadores turísticos nacionais e axencias de viaxe visitarán a Cidade da Cultura de Galicia, e logo trasladaranse ao pazo de Oca para coñecera as súas instalacións, ademais doutros enclaves da comarca compostelá.

Os operadores e axencias de viaxe participantes neste acción de promoción son: Viatges San Julia, Viajes Andrómeda, Halcon Viajes, Viajes Aliguer, Viatges Masanés, Eroski Viajes, China Internacional Travel, Valesa Cultural Services, Giratu Mayorista de Turismo, Viajes Olympia, studioviaje/Set Viajes, Trapsatur, Viajes Kuoni, Frontia, Caja Murcia Viajes, Versys Travel, Garrido Marfil, Viajes Nacho Alonso, Viajes Triana, Marfil Viajes, Viajes Gaviota, ViajesAalimara, Barcelo Viajes e Viajes Ecuador

A empresa sueca Surf Academy, instalará unha base para a práctica deste deporte na praia de Vilarrube (Valdoviño) co obxectivo de atraer surfistas escandinavos cara a Galicia.

A Xunta de Galicia, a través de Turgalicia, da Secretaría Xeral para o Turismo, patrocinou a viaxe á Comunidade galega de tres xornalistas suecos especializados en deportes náuticos ao obxecto de que puideran coñecer a oferta galega no que atinxe a esta actividade e de que a difundan entre os seus concidadáns.

Esta acción de promoción do Turismo galego xurde tamén como apoio á iniciativa da empresa sueca Surf Academy que ten previsto instalar unha base para fomentar a práctica deporte en Galicia por parte de cidadáns escandinavos, impartindo cursos de iniciación e perfeccionamento na praia de Vilarrube (Valdoviño).

Costa galega
Os profesionais da comunicación, Peter Sahlberg, Jens Holmer e Daniel Mansson, acometeron unha viaxe de prospección á costa do Norte da provincia da Coruña. Na súa estadía, visitaron as zonas costeiras entre Ferrol e Ortigueira, para coñecer in situ as posibilidades que ofrecen para practicar surf.

Por outra parte, para a difusión en Suecia da súa nova base en Galicia, a empresa Surf Academy ten previsto desenvolver unha campaña de promoción no país escandinavo a través dos medios de comunicación e outras canles informativas, así como outras accións de mercadotecnia. Esta compañía calcula que nas viaxes que poidan realizar os surfistas suecos a Galicia fagan un desembolso dun elevado gasto medio por persoa.

A Xunta de Galicia, a través de Turgalicia, da Secretaría Xeral para o Turismo, vén de organizar unha viaxe de familiarización para que un grupo de seis axentes de viaxe e xornalistas filipinos poidan coñecer parte da oferta turística de Galicia.

Esta viaxe que se desenvolve dende o día 30 de abril ata o 4 de maio, e céntrase fundamentalmente na cidade de Santiago de Compostela e As Rías Baixas.

A organización deste evento de promoción turística de Galicia contou tamén coa colaboración da Oficina de Turismo de España en Singapur e a compañía aérea Singapore Airlines.

Programa
Na súa estadía en Galicia, os visitantes filipinos coñecerán a oferta turística de Santiago de Compostela e as Rías Baixas, concretamente a cidade de Pontevedra, Combarro, A Toxa, O Grove e Cambados.

Os participantes na viaxe representan aos medios de comunicación Phillippine Inquirer e People Asia/Phillippine Start.

Por outra parte, os axentes de viaxe que se achegarán ata Galicia representan ás compañías Mondial Travel, Executive Resources, King of Travel e Destination Specialist.

Un técnico do Xacobeo impartiu a conferencia ‘Barcelos no Camiño de Santiago’ como parte dun programa de promoción do Camiño de Santiago en Portugal.

A S.A. de Xestión do Plan Xacobeo organiza a exposición fotográfica Olladas no Camiño de Santiago, xunto coa Asociaçao de Espaço Jacobeus e a Cámara Municipal de Barcelos, que se ven de inaugurar esta fin de semana na Biblioteca Municipal desta localidade portuguesa. A exposición permanecerá ata o 26 de maio e o seu horario de visitas é de luns a venres de 09.30 ás 18 horas e os sábados de 09.30 ás 12.30 horas.

Na inauguración, o técnico da S.A. de Xestión do Plan Xacobeo Francisco Singul pronunciou a conferencia Barcelos no Camiño de Santiago, que forma parte dun programa de promoción da Ruta Xacobea en Portugal. Esta conferencia fai fincapé nos vínculos de Barcelos co Camiño das peregrinacións a Compostela; a lenda do Galo de Barcelos, a historia do culto a Santiago en Portugal e as peregrinacións de reis, nobres e do pobo, así como as motivacións dos peregrinos medievais, resaltándose a figura da Raíña Santa Isabel de Aragón como unha das máis importantes peregrinas da Historia.

A mostra Olladas no Camiño de Santiago, que xa itinerou por diferentes cidades de diversos países, chega a Portugal con dúas copias para percorrer simultaneamente localidades do territorio continental portugués e dos seus máis importantes arquipélagos. Mentres a primeira ten previsto viaxar despois de Barcelos por Valença do Minho, Belmonte ou Vila Verde, a outra copia irá ás Azores, onde se inaugurará en Ponta Delgada o 8 de maio e trasladarase a continuación a Ribeira Grande, Lagoa, Illa da Terceira, Illa do Pico e Illa do Faisal. A continuación poderá visitarse en Madeira.

A exposición ‘Olladas no Camiño de Santiago’
A exposición fotográfica itinerante Olladas no Camiño de Santiago amosa a visión particular que sobre o Camiño de Santiago e o fenómeno xacobeo teñen diferentes fotógrafos. Os autores, Delmi Álvarez, Fernando Bellas, Tino Martínez, Javier Teniente, Xulio Villarino e Tino Viz rexistran coas súas cámaras a paisaxe, o patrimonio arquitectónico, a riqueza humana de peregrinos, visitantes e persoas que viven ao longo dos Camiños que levan a Santiago. Nas fotos destes recoñecidos profesionais aparecen desde símbolos puramente xacobeos ata manifestacións antropolóxicas, pasando por retratos con nome e apelidos e figuras anónimas, e desde paisaxes abertas ata a intimidade de igrexas e claustros. A dicir dos críticos, a través das súas obras os artistas senten e reflicten como nunha sociedade globalizada e acelerada existen espazos en que, independentemente de quen sexas e de a onde vaias, sempre te sentirás identificado. O tempo toma unha dimensión diferente da que manexamos no noso ritmo cotián. O destino é o que te coloca, e ese é Compostela.