HUSA Spa Vilalba
HUSA Spa Villalba
HUSA Spa Villalba H ****
Charca do Alligal, s/n. Santaballa
27830 Vilalba, Lugo
Tel: 982 515 000. Fax: 982240195
hotelspavillalba@husa.es
www.husa.es
Numero de cuartos: 42
En xullo do 2006 quedou inaugurado este espectacular hotel de deseño vangardista illado en plena natureza a uns oito quilómetros de Vilalba, en cuxos baixos propón un spa «á última» de máis de 2100 m2 que no futuro está previsto que sexa un balneario, xa que conta con poder servirse das augas mineromedicinais da chamada Charca do Alligal. O spa distribúese en dúas plantas ao redor dunha gran fonte central inundada pola luz natural que descende dende o teito, e a súa zona principal goza aínda de moita máis luz que lle chega a través das inmensas cristaleiras que rodean a piscina activa, con chorros, colos de cisne, jacuzzis e ata oito camas de burbullas nas que relaxar cada músculo, mentres o espírito se contaxia da paz que emanan os verdísimos campos que se divisan.
EQUIPAMENTO E TÉCNICAS
Club Termal con unha gran piscina termolúdica con río contracorrente, guéiseres, colos de cisne, camas de auga, hot tubs, asentos de burbullas, chorros subacuáticos e cúpula de nebulización, ademais de jacuzzi e sala de relaxación, e un Circuíto Termal con duchas aromatizadas, de sensacións, nebulizada, bitérmica, ducha con cromoterapia, ducha cubo, baño turco, terma romana, sauna finlandesa, gruta de xeo, mar morto, zona de relax, pediluvios, paseo de choiva e paseo de pedras quentes, ademais dun Club Termal infantil, ximnasio, unha área de estética e outra de tratamentos con bañeiras de hidromasaxe, chorro manual a presión, salas de envolvementos de algas, aceites esenciais e lodos, duchas Vichy e distintos tipos de masaxes. Todo iso dispoñible tanto para os hóspedes do hotel como para clientes do exterior.
PROGRAMAS
Descanso Vilalba, Descanso Vilalba e beleza, Revitalización natural, Revitalización natural e beleza, Relax Vilalba entre semana, Grande antiestrés, Redutor e anticelulítico, Adelgazamento, Rexuvenecemento e beleza, Relaxación e multiaventura Terra Chá.
ESPECIAL PARA NENOS
O Club Termal infantil, para nenos de ata 8 anos, con piscina dotada de cogomelos máxicos, chorros saltareiros e bosque de choiva.
View Larger Map
SERVIZOS
Acceso discapacitados | Ascensor | Bar cafetería | Caja fuerte individual | Cuartos especialmente adaptados | Garaxe | Piscina | Piscina infantil | Sauna | Spa | Teléfono nos cuartos | Televisión nos cuartos | Xardín terraza
