TURGALICIA PROMOCIONARÁ O CAMPISMO E O TURISMO DE NATUREZA EN ALEMAÑA

Os alemáns supuxeron o 12,3 % dos turistas estranxeiros que se aloxaron nos establecementos turísticos regrados da Comunidade galega o ano pasado

A Xunta de Galicia, a través de Turgalicia, dependente da Secretaría Xeral para o Turismo, presentará a oferta turística de Galicia, para o mercado alemán entre os días 22 e 26 de de febreiro na feira Reise Camping de Essen, no Noroeste alemán.

Neste evento turístico, dedicado ao campismo e o autocaravaning, Turgalicia promocionará a rede de cámpings da comunidade galega e o turismo de natureza, ademais da oferta global e o Camiño de Santiago .

A Reise Camping é a feira turística especializada en campismo máis importante de Alemaña que se celebra desde hai máis de 30 anos.

Turistas alemáns
A participación neste certame turístico permitirá influír no mercado turístico alemán, o segundo mercado internacional máis importante para a comunidade galega, xa que o 12,3% dos estranxeiros que se aloxaron en establecementos regrados de Galicia o ano pasado procedían deste país.

Os alemáns situáronse no segundo lugar despois dos portugueses en canto a ocupación hoteleira en Galicia en 2011, segundo os datos do Instituto Nacional de Estadística. Ademais, foi un mercado que medrou un 1 % entre os anos 2010 e 2011.

Por outra parte, e de acordo cos datos do Instituto de Estudos Turísticos de Galicia, os turistas alemáns, con 48.047 viaxeiros, supuxeron o 14,5 % no tráfico aéreo de Galicia en 2011. En relación ao ano 2010, os viaxeiros alemáns que utilizaron o avión para desprazarse a Galicia medraron case un 4 %.

Balneario Acuña

Balneario Acuña

XORNALISTAS ALEMÁNS PODERÁN COÑECER A OFERTA DE TURISMO CULTURAL DE GALICIA

A través de Turgalicia, e coa colaboración de Turespaña, os xornalistas especializados en turismo e viaxes visitarán ademais os entroidos de Laza, Verín e Xinzo de Limia

Seis xornalistas alemáns poderán coñecer a oferta de Turismo Cultural da Comunidade galega, a través dunha viaxe organizada por Turgalicia en colaboración coa a oficina de Turismo de España en Düsseldorf. Ademais, os comunicadores de Alemaña participarán nos entroidos de Laza, Verín e Xinzo de Limia e achegaranse a parte da oferta de enoturismo de Galicia, visitando adegas pertencentes ás Denominacións de Orixe do Ribeiro e Monterrei.

Esta viaxe, organizada co obxectivo de difundir os valores turísticos de Galicia relacionados coa cultura en Alemaña, comezará o día 17 de febreiro e estenderase ata o mércores día 22 e nela participarán xornalistas especializados en turismo e viaxes do noroeste de Alemaña dos medios de comunicación Redaktionsbüro Benning, Westfäliche Nachrichten, Rhein-Ruhr Magazin, SMV Verlag, Reiselust24 e Spanien Reisemagazin.

Nesta visita á Comunidade galega, os xornalistas poderán coñecer á súa chegada a Galicia a cidade de Santiago e o seu casco histórico, declarado Patrimonio da Humanidade en 1985.

Ribadavia e Ourense
O día 18 de febreiro, os profesionais da comunicación alemáns visitarán a vila histórica de Ribadavia, ademais dunha adega da denominación de orixe Ribeiro. Este mesmo día, os xornalistas alemáns realizarán unha visita ao centro histórico da cidade de Ourense, onde tamén poderán gozar do ambiente do entroido.

Entroidos
Os xornalistas participarán o domingo 19 no desfile do Entroido de Verín e gozarán toda a xornada do ambiente festivo da capital da comarca de Monterrei.

O luns 20, os convidados asistirán ao Entroido de Laza para gozar do Luns borralleiro, mentres que a xornada do martes, estará dedicada a visitar o Val de Monterrei e a súa fortaleza. Ademais, ese día tamén poderán coñecer a oferta enolóxica desta Denominación de Orixe vitivinícola.

Por último, o martes 21 de febreiro os xornalistas alemáns terán a oportunidade de coñecer o Entroido de Xinzo de Limia, participando no desfile principal.

Praias Cercanas a Valdoviño

Valdoviño

Un dos areais maiores de Galicia e que, ademais, ten fama de ““namoradeiro””: Asegura a tradición popular que numerosas parellas namoráronse paseando polas súas dunas.  Continuar leyendo »

Pena Corneira

Pena Corneira

O TURISMO DE GALICIA PROMOCIÓNASE EN ITALIA A TAVÉS DA BOLSA DE TURISMO DE MILÁN

Os italianos supuxeron o 9,3 por cento dos turistas estranxeiros que se aloxaron nos establecementos turísticos regrados da Comunidade galega o ano pasado.

A Xunta de Galicia, a través de Turgalicia, dependente da Secretaría Xeral para o Turismo, está a presentar a oferta turística de Galicia, para o mercado italiano desde o pasado día 6 e ata o día 19 de febreiro na feira Bolsa Internacional do Turismo de Milán (BIT).

Turgalicia promociona neste evento a oferta turística xeral- baixo a Marca ‘Galicia, sai mantenere un segreto?- e o Camiño de Santiago, nun certame de carácter global aberto aos profesionais e ao público xeral do norte de Italia.

Trátase da feira turística máis importante de Italia que se celebra desde hai máis de 20 anos, e na que Galicia esperta un grande interese, sobre todo no eido do Turismo de Natureza, a gastronomía, o Turismo de costa e o Camiño de Santiago.

A participación neste certame turístico permitirá influír no mercado turístico italiano, un dos máis importantes para a Comunidade galega, xa que o 9,3 por cento dos estranxeiros que se aloxaron en establecementos regrados de Galicia o ano pasado foron italianos.

Así, os italianos situáronse no cuarto lugar despois dos portugueses, alemáns e franceses en canto a ocupación hoteleira en Galicia en 2011, segundo os datos do Instituto Nacional de Estatística.

Por outra parte, e de acordo cos datos do Instituto de Estudos Turísticos de Galicia, os turistas italianos, con 38.451 viaxeiros, supuxeron o 11,9 por cento no tráfico aéreo de Galicia en 2011.